Ўзбекистон Республикаси Ҳуқуқни муҳофаза қилиш академиясида бўлиб ўтган “Юридик фан ва ҳуқуқни қўллаш амалиётининг долзарб масалалари” мавзусидаги халқаро илмий-амалий анжуманда Юридик кадрларни қайта тайёрлаш ва малакасини ошириш институти катта ўқитувчиси Зафаржон Рахмонов “Юридик фан ва ҳуқуқни қўллаш амалиётида ягона ёндашувни қўллаш масалалари” мавзусида маъруза билан иштирок этди.

Маърузада:

▪️ ҳуқуқий нормаларнинг бир хил талқин қилиниши ва қўлланиши зарурлиги,

▪️ суд амалиётида ягона ёндашувни шакллантириш,

▪️ илм-фан ва амалиёт ўртасидаги ҳамкорликни кучайтириш,

▪️ ҳуқуқий таълимда методик бирликни таъминлаш,

▪️ шунингдек, “Ягона ёндашув индекси”ни жорий этиш каби таклиф ва ташаббуслар илгари сурилди.

Мазкур анжуман юридик фан ва амалиётда ягона ёндашувга эришиш йўлида муҳим илмий-амалий майдон бўлиб хизмат қилди.