2023 йил 10 апрель кунидан бошлаб Самарқанд вилоятида фаолият юритаётган  адвокат ва юрисконсультлар учун  икки ҳафтага мўлжалланган сайёр малака ошириш ўқув курслари бошланди.

Машғулотларга Юристлар малакасини ошириш марказининг етакчи профессор-ўқитувчилари билан бирга вилоят адлия бошқармаси, Адвокатлар палатасининг вилоят ҳудудий бошқармаси вакиллари ва амалиётчи мутахассислар жалб қилинган.

Малака ошириш давомида тингловчилар Ўзбекистонда амалга оширилаётган суд-ҳуқуқ соҳасидаги ислоҳотлар, давлат ва жамият қурилиши соҳасини демократлаштириш жараёнлари, инсон ҳуқуқ ва эркинликларини ҳимоя қилиш механизмлари, қонунчиликдаги янгиликлар, коррупцияга қарши курашишнинг миллий ва халқаро тизими, давлат хизматчиларининг одоб-аҳлоқ қоидалари, фуқаролик жамиятининг ҳуқуқий асослари, маъмурий тартиб-таомиллар бўйича  билим ва кўникмаларини оширадилар.