Joriy yilning 17-avgust kuni Yuristlar malakasini oshirish markazi va Yaponiya Adliya vazirligining ilmiy-tadqiqot va ta’lim instituti vakillari o’rtasida bo‘lib o‘tgan uchrashuvda tashkilotlar o‘rtasida kelgusidagi hamkorlik masalalari va loyihalar muhokama qilindi.

Uchrashuvdan maqsad - Yuristlar malakasini oshirish markazi va Yaponiya Adliya vazirligining ilmiy-tadqiqot va ta’lim instituti o‘rtasida 2023–2025-yillarga mo‘ljallangan “Hamkorlik dasturi”ga muvofiq akademik mobillikni rivojlantirish yuzasidan muhokamalar o‘tkazishdan iborat.