ХУСУСИЙ-ҲУҚУҚИЙ ФАНЛАР КАФЕДРАСИ

Марипова Севархон Арибжановна

Марипова Севархон Арибжановна 1996 йилда Тошкент давлат юридик униститутинини имтиёзли тарзда тамомлаган. 2001 йилдан ТДЮИ асперантурасини тамомлаб ўзининг педагогик фаолиятини бошлаган. 2013 йилдан Адлия вазирлиги қошидаги Юристлар малакасини ошириш маркази кафедра дорценти вазифасини бажарувчи, 2018 йилдан эса кафедра мудири вазифасида фаолият олиб бормоқда.Ўзбекистон Республикаси Адвокатлар палатаси ҳузуридаги Олий малака комиссияс расисининг ўринбосари. Профессионал медиатор. 2003 йилдан адвокатлик фаолияти билан шуғилланиб келади.Ўзбекистон Республикаси Адлия вазирининг 2020 йил 30 ноябрдаги 635-сонли буйруғига асосан “Адлия аълочиси” кўкрак нишони билан тақдирланган.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Муротов Журабек Сафарович

Муротов Журабек Сафарович 1980 йилда Бухоро вилоятида туғилган. 2003 йилда Жаҳон иқтисоди ва дипломатия университетининг “Халқаро ҳуқуқ” факультетини, 2005 йилда Тошкент давлат юридик институтининг магистратурасини тамомлаган. 2006 йилда ўз меҳнат фаолиятини Ўзбекистон Республикаси Адлия вазирлигининг Идоравий меъёрий ҳужжатларни давлат рўйхатидан ўтказиш бошқармаси катта маслаҳатчиси, Иқтисодий қонунчилик бошқармаси катта маслаҳатчиси лавозимидан бошлаган ва бир қатор давлат бошқаруви органларида меҳнат фаолиятини давом эттирган хусусан, Ташқи ишлар вазирлигинин шартнома-ҳуқуқ бошқармаси, Давлат солиқ қўмитасининг юридик бўлими бошлиғи. Айни вақтда Ж.Муротов томонидан “Фирма номларига бўлган ҳуқуқларни фуқаровий-ҳуқуқий тартибга солиш масалалари”мавзусида илмий- тадқиқот ишлари олиб борилмоқда.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Насуллаев Мубин Нутфуллаевич

Насуллаев Мубин Нутфуллаевич, юридик фанлари номзоди, доцент, Қишлоқ хўжалиги вазирлиги бош бошқармаларида ва Ижтимоий таъминот вазирлигида катта ҳуқуқ маслаҳатчиси, Тошкент Давлат университети ҳуқуқшунослик факультетида ўқитувчи, Тошкент давлат юридик институтида катта ўқитувчи, Олий хўжалик суди судьяси, Қашқадарё вилояти хўжалик судининг раиси, Олий хўжалик суди Ташкилий-назорат бошқармаси бошлиғи, Суд амалиётини умумлаштириш бўлими бош маслаҳатчиси, Ўзбекистон Миллий университети ҳуқуқшунослик факультети доценти лавозимларида фаолият олиб борган. Ҳозирги пайтда Адлия вазирлиги қошидаги Юристлар малакасини ошириш Марказининг доценти ва адвокатлик бюроси адвокати вазифаларида ишлаб келмоқда. 12.00.03, 12.00.04 илмий мутахассисликлари бўйича “Юридик фактларни белгилаш бўйича алоҳида тартибда иш юритиш” мавзусига оид диссертация тадқиқот ишларини бажарган.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Айни вақтда Х.Қучқаров томонидан “Фуқаролик процессида мажбурлов чоралари”, “Меҳнатга оид низоларни медиация тартиб таомили асосида ҳал этиш”, “Меҳнатга оид низоларни судда кўришнинг алоҳида процессуал хусусиятлари” мавзуларида илмий-амалий тадқиқот ишлари олиб борилмоқда.

Кафедра ўз фаолиятида Ўзбекистон Республикасининг Конституцияси, Ўзбекистон Республикасининг қонунлари, Ўзбекистон Республикаси Олий Мажлис палаталарининг қарорлари, Ўзбекистон Республикаси Президентининг фармонлари ва қарорлари, Ўзбекистон Республикаси Вазирлар Маҳкамасининг қарор ва фармойишлари, Ўзбекистон Республикаси Адлия вазирлигининг қарор ва бўйруқлари, кадрлар тайёрлаш, уларни қайта тайёрлаш ва малакасини оширишга оид вазирликлар ва бошқа идорларнинг норматив-ҳуқуқий ҳужжатлари, Марказнинг қарор ва бўйруқлари ҳамда Низомига амал қилади.

Кафедра фаолиятининг асосий йўналишлари:

- Фуқаролик ҳуқуқи

- Фуқаролик процессуал ҳуқуқи

- Иқтисодий процессуал ҳуқуқи

- Маъмурий судларда иш юритиш

- Хакамлик жараёни

- Медиация

- Тадбиркорлик ҳуқуқи

- Меҳнат ҳуқуқи

- Ижтимоий таъминот ҳуқуқи

- Оила ҳуқуқи

- Уй-жой ҳуқуқи

- Ер ҳуқуқи

- Нотариал фаолиятининг ҳуқуқий мақоми

- Фуқаролик ҳолати далолатномаларини ёзиш органлари фаолиятининг ҳуқуқий мақоми

- Адвокатура фаолиятининг ҳуқуқий мақоми

-Юридик хизмат фаолияти ҳуқуқий мақоми

- Медиациянинг ҳуқуқий асослари бўйича

Кафедрада ҳуқуқнинг бошқа тармоқлари бўйича ҳамда мамлакатимизда амалга оширилаётган суд-ҳуқуқ ислоҳотлари, фуқаролик-ҳуқуқий фанлари қонунчилиги соҳасидаги янгиликлар ва ўзгаришлар маъруза, амалий машгъулот, семинар ва тренинг сифатида ўтилади.

Фуқаровий-ҳуқуқий фанлар кафедраси тингловчиларнинг малакасини ошириш ва уларни қайта тайёрлаш бўйича ўқув-услубий ва илмий-услубий ишларни амалга оширади.

Кафедранинг телефон рақами: + 99871 234-52-79