Танловда 20 нафар ҳудудий адлия органлари ва муассасаларининг энг фаол ва ташаббускор ёш ходимлари иштирок этишди.

Биринчи шартда иштирокчилар маълумоти, қизиқишлари, ишдаги ютуқлари ҳақида гапириб ўтишди . Иккинчи шартда эса улар соҳага оид муайян муаммо ечимига қаратилган асослантирилган таклифларини тақдимот қилишди. Охирги шартда танлов иштирокчилари амалиётда учраб турадиган муаммоли ҳолат (казус)га ҳуқуқий баҳо беришди.

Адлия вазирлигида ташкил этилган “Йилнинг энг фаол ёш ходими” танловида Юристлар малакасини ошириш маркази етакчи мутахассиси Эшпўлатов Беҳруз муносиб иштирок этди.

Мазкур танлов Адлия вазирлиги тизимида меҳнат фаолиятини олиб бораётган ёшларни қўллаб-қувватлаш ва рағбатлантириш, уларнинг ижтимоий-сиёсий фаоллигини юксалтириш ҳамда фаолиятда ташаббускорлик ва юқори натижаларга эришишга интилиш самарадорлигини ошириш, улар ўртасида дўстона алоқаларни кучайтириш, иш кўникмалари, тажриба алмашиш мақсадида ташкил этилди.