+998 71 234 56 02

Жиноят-ҳуқуқий фанлар кафедраси


Жиноят-ҳуқуқий фанлар кафедраси  1997 йилда, Ўзбекистон Республикаси Вазирлар Маҳкамасининг 1997 йил 21 июлдаги 364-сонли «Адлия вазирлиги қошида Юристлар малакасини ошириш маркази ташкил этиш тўғрисида»ги қарори билан ташкил этилган. Ўтган давр мобайнида кафедрада Ўзбекистонда танилган ҳуқуқшунос олимлар А.Давлетов, Г.Абдумажидов, М.Ражабовалар фаолият юритган. Шунингдек кафедрада У.Мухаммадиев, Ф.Шукуров, Б.Усмонов, М.Ортиқова, А.Тўйчиев, Ф.Исмаилова, Н.Дадабаева, А.Расулев ва бошқалар илмий-педагогик фаолият юритганлар.

Ҳозирги кунда кафедрага юридик фанлар номзоди, доцент Ғ.А.Алимов кафедра мудири сифатида фаолият юритмоқда.

Ўзбекистон Республикаси Вазирлар Маҳкамасининг 2019 йил 27 июндаги 531-сонли «Ўзбекистон Республикаси Адлия вазирлиги қошидаги Юристлар малакасини ошириш маркази фаолиятини янада такомиллаштириш тўғрисида»ги қарорига асосан кафедра қайта ташкил этилиб, кафедранинг Низоми, ўқув дастурлари, мавзулар режалари замон талабларидан келиб чиқққан ҳолда янгиланди. Низомга асосан, кафедрада ўқув, ўқув-услубий, илмий-тадқиқот ва ташкилий-тарғибот ишлари олиб борилмоқда.

Кафедрада машғулот ўтказишнинг замонавий шакл ва усулларидан фойдаланиш, янги педагогик ва ахборот-коммуникация технологияларини қўллаш, жумладан, тингловчиларни масофадан ўқитиш жорий этилди.

Кафедра профессор-ўқитувчилари томонидан илмий-амалий тадқиқот грантлари лойиҳаси ҳамда жиноят-ҳуқуқий муаммоларига оид масалалар бўйича илмий-тадқиқот ишлари амалга оширилмоқда.

 

Алимов Гайбулла Алимович  - ю.ф.н., доцент. Юристлар малакасини ошириш маркази Жиноят-ҳуқуқий фанлар кафедрасида 2009  йилдан бошлаб, кафедра доценти лавозимида, 2011 йил 19 сентябрдан эса ушбу кафедра мудири лавозимида ишлаб келмоқда. Ғ.Алимов томонидан 60 дан ортиқ ишлар тайёрланган ва чоп этилган, жумладан, 3 та монография, 8 та ўқув қўлланма, 4 та ўқув-амалий қўлланма ва 40 дан ортиқ илмий мақолалар соҳибидир.

Ғ.А.Алимов 2006 йилда «Мустақилликнинг 15 йиллиги» кўкрак нишони, 2016 йилда «Мустақилликнинг 25 йиллиги» ва 2019 йилда «Адлия аълочиси» кўкрак нишонлари билан тақдирланган.

 

 

Шакуров Рафик Равильевич - юридик фанлари номзоди, доцент. Жиноят-ҳуқуқий фанлар кафедрасида 2018 йил 7 сентябрдан бошлаб кафедра доценти лавозимида ишлаб келмоқда. Р.Р.Шакуров томонидан 40 дан ортиқ ишлар тайёрланган ва чоп этилган, шу жумладан, 1 та монография, 8 та ўқув қўлланма, 2 та ўқув-амалий қўлланма ва 30 дан ортиқ илмий мақолалар.