+998 71 234 56 02

ЭЪЛОНЛАР


ЭЪЛОН

Хабарингиз бор, Юристлар малакасини ошириш маркази томонидан Ўзбекистон Республикаси Адлия вазирлиги билан келишилган ҳолда “Давлат бошқарув органлари ва ташкилий-ҳуқуқий шаклидан қатъи назар бошқа ташкилотлар юридик хизмати ходимларининг (юрисконсультлар) малакасини ошириш” курси бўйича ўқув дастури ишлаб чиқилиб, тасдиқланган.

Ушбу ўқув дастури асосида Юристлар малакасини ошириш маркази томонидан юридик хизмат ходимларини (юрисконсультларни) ўқитиш бўйича масофавий таълим платформаси яратилган ҳамда масофавий ўқув курслари йўлга қўйилган.

Юрисконсультлардан ташкил топган тингловчилар Марказнинг расмий веб сайтидаги масофавий таълим (http://uzmarkaz.uz/uzc/page/m) саҳифаси орқали ишдан ажралмаган ҳолда масофавий шаклда малакасини ошириш имкониятига эга.

Ўқиш – ўқув дастурига мувофиқ 72 академик соатни ташкил қилади.

 

Батафсил маълумот учун Марказнинг Буюртмалар портфели ва маркетингни шакллантириш бўлимига қуйидаги иш +998712345346, +998712345396 ва мобил телефон рақамларига +998974610554, +998935695968 мурожаат этишингиз мумкин.

______________________________________________________________________________________________________________________________

ЭЪЛОН

Ўзбекистон Республикаси Адлия вазирлиги қошидаги Юристлар малакасини ошириш марказида 2020 йил 6 июлдан Патент вакилларининг малакасини ошириш бўйича ўқув жараёни бошланади.

Патент вакиллари Юристлар малакасини ошириш маркази билан тузилган шартномага мувофиқ, тўлов асосида ўқитилади.

Патент вакиллари Марказга малака ошириш курслари бошлангандан сўнг уч кун ичида қуйидаги ҳужжатларни тақдим этишлари лозим:

паспорт ёки унинг ўрнини босувчи ҳужжат (нусхалари олиниб, асли қайтарилади); олий маълумот тўғрисидаги диплом ҳамда диплом иловаси (нусхалари олиниб, асли қайтарилади);
3,5 х 4,5 см ўлчамдаги 2 дона рангли фотосурат; шартнома шартларига мувофиқ тўлов амалга оширилганлигини тасдиқловчи тўлов ҳужжати нусхаси.

Малака ошириш курсларида ўқув жараёни давомийлиги тўрт ҳафтани ташкил этади. Умумий ўқиш вақти ҳажми:

аудитория машғулотлари — 96 соат (3 ҳафта);

иш ўрганиш амалиёти — 36 соат (1 ҳафта);

якуний имтиҳон — 12 соат (2 кун) этиб белгиланади.

Мурожаат учун телефонлар: +998712345430; +998712345472; +998712345346; +998909226456.

______________________________________________________________________________________________________________________________