Bo`lim “Nashriyot bo`limi” nomi bilan O`zbekiston Respublikasi Vazirlar Mahkamasining 1997 yil 21 iyuldagi 364-sonli qaroriga asosan tashkil etilgan bo`lib, O`zbekiston Respublikasi Vazirlar Mahkamasining 2019 yil 27 iyundagi “O`zbekiston Respublikasi Adliya vazirligi qoshidagi Yuristlar malakasini oshirish markazi faoliyatini yanada takomillashtirish to`g’risidagi” 531-sonli qaroriga asosan, “Tahririy-nashriyot bo`limi” deb qayta tashkil etilgan.
Bo`limga turli yillarda bir qator mutaxassislar, jumladan: 2006-2012 yillarda O.Mamahalilov, 2013-2014 yillarda B.Najmiddinov, 2015-2017 yillarda F.Ergashevalar boshchilik qilishgan.
2020 yil 3 dekabrdan boshlab Shaxzoda Abdullayeva Sobitovna rahbarlik qilib kelmoqda.
O`tgan yillar mobaynida bo`limda O.Mamahalilov, N.Tillayeva, B.Najmiddinov, F.Ergasheva, A.Niyazmetov, A.Yusupbayeva H. Mo`minov kabi xodimlar turli lavozimlarda mehnat qilganlar.
Bo`lim o`z faoliyatida O`zbekiston Respublikasining Konstitusiyasi va qonunlari, O`zbekiston Respublikasi Oliy Majlis palatalarining qarorlari, Prezident farmonlari va qarorlari, Vazirlar Mahkamasining qaror va farmoyishlari, Adliya vazirligining qaror va bo`yruqlari, Oliy va o`rta maxsus ta’lim vazirligining malakali kadrlarni tayyorlash, qayta tayyorlash va malakasini oshirishga taaluqli normativ-huquqiy hujjatlari, Markaz Ustavi, Ilmiy kengashi qarorlari, Markaz direktorining bo`yruqlari hamda Yuristlar malakasini oshirish markazi direktorining buyrug’i bilan tasdiqlangan Nizomiga amal qiladi.
Bo`lim tarkibi bo`lim boshlig’i va 1 nafar bosh mutaxassisdan iborat.
Bo`lim boshlig’i – Shaxzoda Abdullayeva Sobitovna
Bosh mutaxassis - Usmanov Vosid Muxammadiyevich
Bo`limning asosiy vazifalari:
Markazda tahririy-noshirlik faoliyatini tashkil etish, ta’minlash va amalga oshirish;
Markaz faoliyatiga oid hujjatlarni nashr etish va nusxasini ko`paytirish;
Markaz professor-o`qituvchilari va ilmiy xodimlari muallifligi asosida tayyorlangan materiallarni tahrir qilish, nashrga tayyorlash va chop ettirish.
Nashr etishga tayyorlangan monografiya, darslik, o`quv, o`quv-uslubiy qo`llanma, to`plam va risolalar hamda ma’ruzalar matnlari, o`quv dasturlar va boshqa hujjatlar, materiallarni tahrirdan o`tkazish va chop etish kabi bir qator vazifalarni bajaradi.
Bo`limning telefon raqami: + 99871 234-53-25